Ministri i Brendshëm teknik, Pançe Toshkovski ka reaguar ndaj sjelljes së kryeministrit teknik, Talat Xhaferi gjatë vizitës së tij në Sektorin për Punë të Brendshme në Tetovë.
Toshkovksi e ka vlerësuar si “sjellje të pahijshme” qasjen e Xhaferit duke i sugjeruar që të kërkoj falje ndaj punonjësve të MPB-së.
“Konsideroj se sjellja e tillë e kryeministrit ndaj të punësuarve, posaçërisht ndaj një femre është e pa tolerueshme, jo adekuate dhe nuk i ngjan një njeriu që kryen funksion publik, aq më te për kur sipas informacioneve që posedojmë, zonja në fjalë është bashkëshortja e një ish nëpunësi policor i cili ka dhënë jetën e tij në shërbim të sigurisë së qytetarëve” ka thënë Toshkovski në reagimin e tij.
