Shifrat reale të “pertusis” apo kollës së keqe në vend sigurisht nuk janë 22 apo 26, por shumë më tepër, theksoi mjekja Katerina Stavriq, imunologe pediatrie.
Ajo për “Top Tema” thotë se duhet pasur parasysh se rastet e regjistruara e të infektuarve janë si pasojë e kontakteve me dikë tjetër.
“Për këtë arsye numri i të sëmurëve është shumë më i lartë. Por kryesisht mosha e re, fëmijët nën pesë vjeç, janë ata që më së shpeshti diagnostikohen, sepse shfaqin pasqyrë klinike më të rëndë”, thotë Stavriq.
