Në shkollën fillore “Imri Elezi” në Çair nuk ka asnjë nxënës.
Mësimi nuk po mbahet për shkak se objekti i shkollës nuk ka ngrohje.
S’ka ngrohje, s’mbahet mësim në shkollën “Imri Elezi”, Ganiu fajëson Qeverinë
Gjendemi tek shkolla fillore “Imri Elezi” dhe siç po e shihni dyert e klasave janë të mbyllura dhe nuk ka asnjë nxënës. Mësimi është ndërprerë për shkak mungesës së ngrohjes.
Kryetari i komunës së Çairit Visar Ganiu fajin e hedh te Qeveria, pasi sic tha Qeveria ka sjellë një vendim që të gjithë kompaniatë që distribuojnë naftë nëpër objekte duhet paraprakisht ta kalojnë një licencë.
“Ka pasur pengesa për arsye se Qeveria ka sjellë një vendim që të gjithë kompaniatë që distribuojnë naftë nëpër objekte duhet paraprakisht ta kalojnë një licencë apo të kontrollohet niveli kualitetit të naftës nga ana e Qeverisë dhe një gjë të tillë janë duke e bërë nga “Pucko Petroll” i cili e ka fituar për të na furnizuar me naftë nëpër shkolla. Kemi pasur përgjigje oficiale që cisternat e tyre janë duke pritur për tu testuar.”- deklaroi Visar Ganiu, Kryetar i Komunës së Çairit
Megjithatë, Ganiu deklaroi se sot pritet që të rregullohet cështja e ngrohjes dhe të vazhdojë mësimi.
Ndryshe në të njëjtën komunë problem me ngrohjen gjatë ditës së djeshme ka pasur edhe shkolla fillore “Hasan Prishtina”.
