Ambasadori amerikan në Beograd, Christopher Hill gjatë një takimi që pati sot me presidentin serb, Aleksandar Vuçiq e ka njoftuar atë lidhur me vendimin amerikan për të pranuar kërkesën e Kosovës rreth blerjes së raketave antitank “Javelin”.
Siç tha i dërguari i Washingtonit në Beograd, Departamenti i Shtetit do t’ia dërgojë kërkesën e Kosovës, Kongresit Amerikan, i cili edhe fillon procedurën zyrtare, thuhet në një njoftim të presidencës serbe.
Më tej, në këtë njoftim theksohet se Vuçiq në takim ka deklaruar se “ky informacion është një zhgënjim i madh për Serbinë:, transmeton Klankosova.tv.
“Për ne është me rëndësi të madhe që paqja në rajon të mos prishet dhe Serbia të vazhdojë të sillet me përgjegjësi dhe të kontribuojë për stabilitetin në Ballkan”, tha mes tjerash Vuçiq, transmeton Klankosova.tv.
