Mbretëresha e Danimarkës ka vendosur të heqë dorë nga froni, 52 vite pasi vendosi kurorën. Margrethe II e bëri të ditur vendimin e saj në një dalje televizive ditën e sotme.
Agjencia e lajmeve Reuters raporton se Mbretëresha Margrethe II, do të zbresë nga froni më 14 janar dhe do t’ia lërë vendin djalit të saj të madh, Princit Frederik.
Mbretëresha 83-vjeçare, e cila u kurorëzua në 1972, është monarkia më jetëgjatë në Evropë pas vdekjes së Mbretëreshës së Britanisë, Elizabeth II në shtator të vitit 2022.
Ajo zbuloi se vendimi ishte marrë pas një periudhe reflektimi pas operacionit që kreu në shpinënë fillim të vitit 2023.
“Kirurgjia natyrshëm bëri të mendosh për të ardhmen, nëse kishte ardhur koha për t’ia lënë përgjegjësinë brezit të ardhshëm,” tha Mbretëresha.
“Kam vendosur që tani është koha e duhur”, shtoi ajo dhe falënderoi publikun danez për mbështetjen e tyre ndër vite.
Kryeministrja Mette Frederiksen falënderoi mbretëreshën për shërbimin e saj.
