Adrien Rabiot dhe Marco Verratti janë duke u konsideruar si opsione nga Barcelona si përforcime të merkatos së dimrit, për të kompensuar mungesën e Gavit, që për shkak të dëmtimit e ka humbur sezonin.
Duke filluar me francezin, kontrata e tij me Juventusin përfundon në fund të këtij sezoni. Bardhezinjtë, në fakt, nuk janë të gatshëm ta huazojnë, përkundrazi, duan t’i rinovojnë kontratën.
I mbërritur në Torino në vitin 2019, Rabiot ka qenë titullar i rregullt te “Zonja e Vjetër” këtë sezon, duke luajtur 14 ndeshje dhe madje është një nga kapitenët e skuadrës.
Sa i përket Marco Verrattit, italiani verën e kaluar u largua nga Paris Saint-Germain, ku ishte për 11 vite, dhe iu bashkua Al Arabit, në Katar, për 45 milionë euro.
Mbetet për t’u parë nëse klubi i Lindjes së Mesme do të jetë i gatshëm ta huazojë lojtarin vetëm gjashtë muaj pas nënshkrimit të tij./Supersport
