FC Shkupi njofton se ka arritur marrëveshje me mbrojtësin turk, Emir Yazici.

Bëhet fjalë për një futbollistë 22-vjeç, i dalë nga shkolla e Trabzonsporit, por që së fundmi luante me skuadrën e Kusadasispor.

Yazici kishte kaluar të gjitha grupmoshat te Trabzonspor, ndërsa për herë të parë në moshë 19-vjeçare u transferua te Karagumruk.

Ndryshe gjatë karrierës së tij, i njëjti kishte luajtur edhe me disa skuadra tjera në Turqi, ndërsa transferimi te FC Shkupi do të jetë i pari për të jashtë vendlindjes.

Qendërmbrojtësi Yazici (185cm) në shoqërim të Drejtorit Gjeneral, Aykut Turan, firmosi kontratë për dy vite e gjysmë.

I gjithë stafi i FC Shkupit, i uron mirëseardhje 22-vjeçarit Yazici, me të cilin fillojmë ndërtimin e vijës së fundit të mbrojtjes, ndërsa me siguri se ky nuk do të jetë i vetmi që do na bashkohet, pasi presim edhe emra të tjerë të rinj, me të vetmin qëllim që në pranverë të jemi konkurrent për vendet që do të na sigurojnë Europën.