BMW X3 hybrid, Citroen C4 dhe magazina e një marketi u dogjën mbrëmë pranë Tregut të Gjelbër në Shkup, përcjell TV21. Shkaku i zjarrit ende nuk dihet, por sipas autoriteteve, filloi nga një automjet i parkuar, u përhap tek të tjetër dhe më pas edhe në hapësirën e magazinës së zinxhirit të marketeve.
Komandanti i brigadës së zjarrfikësve të Shkupit, Zvonko Tomeski, në një deklaratë tha se morën njoftim për një makinë të djegur në orën 23:05.
“Menjëherë u dërguan dy automjete zjarrfikëse nga Qendra e Autokomandës, të cilët sapo mbërritën vunë re se zjarri ishte përhapur në objektin fqinj ku ishte parkuar automjeti. Për këtë arsye u dërgua edhe një automjet zjarrfikës shtesë. Intervenimi vazhdoi deri rreth 30 minuta pas mesnatës. Ka vetëm dëme materiale, nuk ka persona të lënduar”, tha Tomeski.
