Pas zjarrit të madh që sot përfshiu pjesë të fabrikës “Comodita” në Gjakovë, kompania ka bërë reagim zyrtar.
“Comodita Home” ka njoftuar se një pjesë e fabrikës në Gjakovë është kapluar nga flakët, por punëtorët janë evakuuar në kohë dhe fatmirësisht nuk ka të lënduar.
“Në vendin e ngjarjes kanë dalë menjëherë ekipet policore dhe njësitë e zjarrfikësve për të lokalizuar zjarrin. Aktualisht ende nuk janë konstatuar shkaqet e ndezjes dhe nuk mund të përllogaritet vlera e dëmit material,” thuhet në njoftimin e kompanisë.
Comodita Home ka falënderuar për intervenim të shpejtë Ministrinë e Brendshme dhe Ministrinë e FSK-së, kryetarin e Gjakovës, drejtorin e AME-së, njësitë e zjarrfikësve nga Gjakova, Prizreni, Juniku, Deçani dhe Rahoveci, si dhe pjesëtarët e KFOR-it dhe të FSK-së për gatishmërinë e treguar për ndërhyrje.
