Një zjarr i madh ka përfshirë mbrëmjen e sotme, tregun e rrobave të përdorura në lagjen 5 Maji në Tiranë. Fillimisht flakët dogjën një kapanon dhe më pas u përhapën masivisht. Nuk ka persona të lënduar, por dëmet materiale janë të konsiderueshme.
Dhjetëra forca zjarrfikëse nga Tirana, Elbasani, Vora dhe ushtria janë sinjalizuar për të kanë vënë flakët nën kontroll.
Situata fillimisht ishte kritike, por se më pas ka shkuar drejt përmirësimit. Drejtori i Zjarrfikëses në Tiranë, Shkëlqim Goxhaj tha në konferencë për mediet se vatra e zjarrit është izoluar dhe është drejt shuarjes.
Ministri i Mbrojtjes ka reaguar pas zjarrit duke vlerësuar ndërhyrjen e Forcave të Armatosura.
Ai shprehu mirënjohje për efektivët e Komandës së Forcës Tokësore, të cilët, sipas tij, nuk njohin lodhje dhe orar në shërbim të qytetarëve dhe Atdheut. Zjarrfikësit e Forcës Tokësore u angazhuan në vijë të parë për përballimin e flakëve dhe mbështetjen e strukturave civile.
