Një zjarr i madh ka shpërthyer sonte pranë “Pivnicës” dhe kishës “Shën Spasi” në fillim të Çarshisë së Vjetër të Shkupit – po digjet objekti i braktisur menjëherë pranë lokalit të njohur.
Nga Brigada e Zjarrfikësve të Qytetit të Shkupit thonë se zjarrfikësit ende po luftojnë për ta vënë zjarrin nën kontroll dhe për të parandaluar përhapjen e tij në objektet përreth.
Qendra Rajonale për Menaxhim me Kriza – Shkup njoftoi se zjarri ka shpërthyer para orës 20:00 në një shtëpi të vjetër afër Kishës “Shën Spasi” në Çarshinë e Vjetër, si dhe se për shuarjen e tij janë angazhuar 12 zjarrfikës me katër automjete.
Për momentin nuk dihet se si ka shpërthyer zjarri i madh në shtëpinë e braktisur, për shkak të të cilit sonte vështirë merr frymë në Çarshi dhe te Kalaja, të cilat janë të mbështjella nga tymi.
