Sipas drejtorit të Drejtorisë për Mbrojtje dhe Shpëtim (DMS) Stojançe Angelov, zjarri ka përfshirë bar të thatë, shkurre dhe pyll të përzier, ndërsa për shkak të erës së fortë ai është përhapur me shpejtësi.
Në terren po ndërhyjnë ekipet e Brigadës së Zjarrfikësve të Shkupit (BZZ), ndërsa në shuarjen e flakëve do të ndihmojnë edhe dy automjete të posaçme të DMS, një helikopter i Ministrisë së Brendshme, si dhe dy aeroplanë tip “air tractor” të DMS që pritet të nisen më vonë.
Në vendngjarje ndodhet edhe drejtori i Qendrës për Menaxhim me Kriza (CMC), Muhamed Ali.
Sipas informacioneve fillestare, bëhet fjalë për një zjarr të qëllimshëm.
