Avokati i Popullit, Naser Ziberi ka drejtuar kritika të ashpra në adresë të Gjykatës Kushtetuese për prolongimin respektivisht ndërprerjen e “Balancuesit” po edhe tentimin e së njëjtës për kontestimin e Ligjit për Përdorimin e Gjuhëve.
Këto kritika Ziberi i bëri në momentin kur zbuloi raportin vjetor për punën e institucioneve dhe të drejtën e qytetarëve, ku mes tjerash njoftoi se në vitin 2024 ka pasur shkelje të theksuara nga institucionet. Avokati i Popullit njoftoi se ka vepruar sipas 3148 parashtresave, prej të cilave institucioni që Ziberi drejton ka pranuar 2705 parashtresa, ndërsa 443 lëndë janë bartur nga viti i kaluar.
Sipas Avokatit të Popullit, nga momenti i prolongimit të balancuesit, institucionet nuk kanë respektuar parimin për përfaqësim të drejtë dhe adekuat. Tha se Qeveria duhet në afat sa më të shpejtë të sjell ligjin e shumë përfolur për përfaqësim të drejtë dhe adekuat.
NASER ZIBERI – AVOKAT I POPULLIT
“Informacionet tona flasin se vec ka më devijime nga ky përcaktim ku nuk respektohet kjo e drejtë dhe prandaj apeloj deri tek Qeveria, deri tek parlamenti që sa më shpejtë të tejkalohet kjo shprastirë juridike të sillet ligji aq i proklamuar për përfaqësim të drejtë dhe adekuat dhe me këtë të pamundësohet procesi i deformimit të implemetimit të përcaktimit kushtetues për përfaqësim të drejtë dhe adekuat. Informacionet vijnë nga gati të gjitha organet shtetërore, duke filluar nga ministritë, drejtoritë etj….
Duke folur për mundësinë që Gjykata Kushtetuese ka për prolongimin e Ligjit për Gjuhët, Ziberi tha…
NASER ZIBERI – AVOKAT I POPULLIT
“Apeli im është që Gjykata Kushtetuese të mos merret me politikë, por të mbrojë Kushtetutën, që dmth Gjykata Kushtetuese duhet të jetë në nivelin e detyrës që ja përcakton vet Kushtetuta”.
Në raportin vjetor të Avokatit të Popullit u veçua edhe shkelja e të drejtave të të burgosurve të cilët sipas Ziberit vuajnë dënimin në kushte mizore. Ziberi veçoi edhe atë se problem dhe ‘luks” për të burgosurit është edhe gjumi dhe mungesa e shtretërve. Ai tha se ankesa qytetarët kishin edhe për faturat e larta të energjisë elektrike dhe gjërave tjera elementare sic është edhe ajri i pastër.
