AktualeLajmeMaqedoniSport

Zëvendësministrja e Sportit reagon pas incidentit në Kumanovë, ja çka kërkon nga federata e basketbollit

Zëvendësnministrja e Sportit, Safije Sadiki-Shaini, ka  reaguar pas incidentit të mbrëmshëm në ndeshjen e basketbollit në Kumanovë, raporton Open-TV.

Ajo ka dënuar çdo formë të sjelljes diskriminuese dhe provokimeve që cenojnë sigurinë dhe dinjitetin e sportistëve, trajnerëve dhe tifozëve.

Shani theksoi se do të kërkoj nga Federata e Basketbollit dhe institucionet përkatëse që të analizojnë me seriozitet këtë rast dhe të marrin masa konkrete për të garantuar që çdo sportist të ndihet i sigurt dhe i respektuar, pavarësisht prejardhjes së tij.

Postimi:
Reagim lidhur me incidentin gjatë ndeshjes në Kumanovë

Ngjarjet që ndodhën mbrëmë gjatë ndeshjes ndërmjet KB Kumanovës dhe KB Çairit 2030 janë një kujtesë serioze për domosdoshmërinë e një reagimi të qartë institucional kundër gjuhës së urrejtjes dhe ofendimeve në sport.
Si zëvendësministre e Sportit, dënoj çdo formë të sjelljes diskriminuese dhe provokimeve që cenojnë sigurinë dhe dinjitetin e sportistëve, trajnerëve dhe tifozëve.
Sporti është garë dhe pasion, jo mjet për përçarje. Kërkoj nga Federata e Basketbollit dhe institucionet përkatëse që të analizojnë me seriozitet këtë rast dhe të marrin masa konkrete për të garantuar që çdo sportist të ndihet i sigurt dhe i respektuar, pavarësisht prejardhjes së tij.
Sporti duhet të jetë shembull i bashkëjetesës dhe barazisë. Kjo është përgjegjësi e të gjithëve – dhe mbi të gjitha, e institucioneve.
Me respekt,
Safije Sadiki Shahini

Related Posts