Zëvendëskryeministri i Parë i Qeverisë, Bekim Sali, sonte organizoi një iftar me funksionarët e VLEN-it, me rastin e Muajit të Bekuar të Ramazanit.
Postimi i plotë:
Si Zëvendëskryeministër i Parë i Qeverisë, pata nderin të organizoj një iftar me funksionarët e VLEN-it, me rastin e Muajit të Bekuar të Ramazanit.
Në fjalën time theksova se sofrat e iftarit janë një kujtesë se puna jonë kërkon bashkëpunim dhe solidaritet mes nesh. Ashtu siç ndahet buka e iftarit me njëri-tjetrin, edhe përgjegjësitë dhe sfidat duhet t’i përballojmë bashkërisht, me mirëkuptim dhe përkushtim.
Me këtë rast urova që ky iftar të jetë edhe për VLEN-in një leksion i bashkimit dhe unitetit. Le të jetë kjo mbrëmje një moment reflektimi, por edhe një motiv shtesë për të vazhduar punën tonë me më shumë energji, më shumë përgjegjësi dhe më shumë përkushtim ndaj qytetarëve, ndaj së ardhmes së vendit tonë dhe brezave që vijnë pas nesh. (Open-TV)
