Lideri i Alternativës, Zeqirija Ibrahimi në hapjen e Shtabit në Studeniçan sonte tha se opozita shqiptare nuk e meriton besimin në këtë komunë, sepse kanë pasur shansin.
“E kanë pasur shansin mbi 20 vjet që ta udhëheqin komunën. Dhe në vitin 2025 thonë se e shtrojmë filan rrugën, do sjellim ujin e pijshëm gjë që tregon se nuk e kanë bërë këtë. Ata pra nuk e meritojnë besimin e banorëve”, tha Ibrahimi.
Ai iu drejtua të pranishmëve me kërkesën të mendojnë seriozisht dhe ta vlerësojnë saktë gjetjen e re në komunën e Studençanit.
“Me Sedatin është një zgjidhje që e çliron komunën nga ky ngërç”, ka thënë kreu i Alternativës.
Le të jetë përhair hapja e Shtabit dhe të mblidhemi bashkë këtu dhe të festojmë fitoren e Sedatit”, ka nënvizuar mes tjerash Ibrahimi.
