Zëdhënësja e Qeverisë Venera Azizi thekson se vendimi i sotëm i Qeverisë për uljen e TVSH-së për derivatet është një veprim i drejtpërdrejtë për të mbrojtur standardin jetësor të qytetarëve.
Postimi i plotë:
Sot si Qeveri morëm një vendim të rëndësishëm për çdo familje dhe çdo biznes në vend, uljen e TVSH-së për derivatet nga 18% në 10%.
Kjo nuk është vetëm një masë ekonomike, është një veprim i drejtpërdrejtë për të mbrojtur standardin jetësor të qytetarëve tanë.
Me stabilizimin e çmimeve të karburanteve, po zbusim ndikimin e krizës globale.
Mesazhi ynë është i qartë se ne jemi në anën e qytetarit. Po punojmë çdo ditë për të parandaluar goditjet ekonomike dhe për të ndërtuar një ekonomi të qëndrueshme.
Andaj, do të vazhdojmë me masa konkrete, për standard më të mirë jetese dhe për një të ardhme më stabile.
