Një YouTuber holandez vizitoi qytetin më të ftohtë në botë, Jakutskin në Siberi, ku temperaturat shënonin −52 gradë Celsius, dhe u hodh në ujë të akullt.
Siç shihet në një video të publikuar në TikTok, holandezi del me vështirësi nga uji dhe, para se të arrijë të futet në një ambient të mbyllur, trupi i tij fillon të ngrijë.
Me ndihmën e disa personave të tjerë përpiqet të veshë pantoflat, por duket se ka arritur limitet e tij për shkak të të ftohtit të padurueshëm.
Në fund ia del, vendos një kapele dhe vrapon për të gjetur një vend të ngrohtë.
Jakutsk, qyteti më i ftohtë në botë
Jakutski është një qytet në Siberi dhe konsiderohet qyteti më i ftohtë në botë, me temperatura që arrijnë deri në −50 gradë Celsius. Madje, njëherë është regjistruar edhe temperatura më e ulët e matur ndonjëherë: −71 gradë Celsius.
YouTuberi holandez kaloi katër ditë në këtë qytet të akullt për realizimin e një videoje në YouTube.
