Grupi i këshilltarëve të Aleancës Kombëtare për Integrim në Komunën e Butelit ka shprehur shqetësimin e thellë lidhur me funksionimin e Këshillit Komunal dhe ndarjen e komisioneve në seancën e parë konstituive.
VMRO-DPMNE, LSDM dhe Levica u bashkuan për të kontrolluar jo vetëm pozicionin e kryetarit të Këshillit, por edhe të gjitha komisionet e rëndësishme, duke vepruar në mënyrë jo proporcionale, akuzon AKI.
AKI përveç që u mbivotua në emërimin e kryetarëve të komisioneve, por u refuzuan propozimet e tyre për anëtarë në dy komisionet më të rëndësishme – në atë të Urbanizmit dhe Komisionin e Financave. Kjo, sipas AKI-së, tregon qartë mungesën e përfaqësimit proporcional dhe të barazisë në vendimmarrje.
“Përfaqësimi proporcional nuk është kërkesë politike, por garanci demokratike që të gjitha zërat e qytetarëve të dëgjohen dhe të kontribuojnë në proceset vendimmarrëse, por kjo nuk u respektua. Veprimet e palës maqedonase, të koordinuara nga VMRO-DPMNE, LSDM dhe Levica, kanë krijuar një situatë që qytetarët shqiptarë të mos kenë zë të drejtë në vendimet që prekin jetën e përditshme në Komunën e Butelit”.
Nga AKI thonë se grupi i tyre i këshilltarëve do të vazhdojë të jetë kritik dhe konstruktiv, duke kërkuar që çdo vendim i Këshillit të reflektojë në përfaqësim proporcional, barazi dhe transparencë.
Ndryshe, emërimi i kryetarit të Këshillit komunal nga VMRO-DPMNE, Nikolla Bozhinovski, nuk u mbështet as nga VLEN-i, pasi suç merr vesh gazeta KOHA, këta të fundit nuk ishin pyetur fare për emrin e kryesuesit të Këshillit.
