Partia në pushtet VMRO-DPMNE doli me disa pyetje dhe akuza ndaj ish-ministrit të brendshëm Oliver Spasovski, pasi dje MPB ngriti kallëzim penal kundër tij, pasi siç pretendohet, ai nuk ka marrë vendim për të pezulluar autorizimin e firmës për testet teknike të automjeteve dhe ka lejuar pasurim të paligjshëm të një firme në Saraj me mbi 5,5 milionë denarë. Valentin Manasievski nga VMRO i kërkoi prokurorisë që menjëherë të veprojë. Pëndryshe, dje Spasovski i hodhi poshtë tërësisht pretendimet e ngirutra në kallëzimin e MPB-së.
“Çfarë fshihet pas kësaj dhe pse Spasovski nuk ka vepruar për të pezulluar autorizimet e testimeve teknike në Saraj? A qëndron diçka tjetër pas mbrojtjes së Spasovskit? Sa automjete që kanë rrezikuar sigurinë në trafikun rrugor kanë kaluar kontrollin në të njëjtin test teknik? Dhe sa prej tyre nuk do të kalonin në një vend tjetër? Oliver Spasovski ka rrezikuar sigurinë e mijëra shoferëve në të gjithë vendin. Në këtë drejtim, e ftojmë Prokurorinë Publike të veprojë menjëherë“. tha Valentin Manasievski, VMRO-DPMNE.
