Banorët e komunës së Studeniçanit kanë arsye për të festuar, pasi ka nisur rikonstruktimi i rrugës në segmentin Uji i Kuq – Kitka, pjesë e rëndësishme e arterjes rrugore Draçevë – Motel Kitka, me një gjatësi prej 6.5 kilometrash.
Ky projekt i shumëpritur po realizohet falë mbështetjes së Qeverisë VLEN përmes thirrjes së saj të parë të dedikuar për komunat, me një investim prej 63.5 milionë denarësh.
Rruga e re pritet të përmirësojë ndjeshëm sigurinë dhe shpejtësinë e qarkullimit për banorët vendas, si dhe të lehtësojë qasjen drejt Malit Kitka, një zonë me rëndësi turistike dhe rekreative.
“Qëllimi ynë është të krijojmë kushte më të mira jetese për çdo qytetar. Veprojmë për Studeniçanin,” thuhet në deklaratën e VLEN.
