Sot në Butel, në prani të shumë qytetarëve entuziastë dhe përfaqësuesve të koalicionit tonë fitimtar, VLEN hapi zyrtarisht shtabin zgjedhor për zgjedhjet lokale të 19 tetorit. Ky hap shënon fillimin e një fushate që do të vulosë ndryshimin edhe në këtë komunë, duke e kthyer zërin e shqiptarëve të Butelit në fuqi vendimmarrëse.
Me këtë rast, u promovua lista e këshilltarëve e udhëhequr nga Behar Rexhepi, një profesionist i dëshmuar, një njeri me integritet dhe përkushtim të palëkundur, i gatshëm të jetë në shërbim të qytetarëve të Butelit.
Në këtë tubim madhështor, folën krerët e VLEN, Izet Mexhiti dhe Zeqirija Ibrahimi, si dhe shefi i shtabit zgjedhor qendror, Adnan Azizi, të cilët me fjalë miradie vlerësuan figurën e Behar Rexhepit dhe listën e tij. Ata theksuan se më 19 tetor, shqiptarët e Butelit do të kenë përfaqësimin e fuqishëm që iu ka munguar për dekada me radhë.
“Buteli është pjesë e pandashme e Shkupit, dhe shqiptarët këtu po rriten çdo ditë në numër, në vetëdije dhe në zë. Ky zë nuk mund të neglizhohet më, ai duhet të shndërrohet në vendimmarrje”, u theksua nga liderët e VLEN.
Ashtu si më 8 maj të vitit të kaluar, kur u festua fitorja historike e shqiptarëve në nivel shtetëror, edhe këtë herë, më 19 tetor, Buteli do të jetë pjesë e valës së ndryshimit. VLEN për Butelin. VLEN për ndryshim! Forca jonë është uniteti dhe uniteti fiton!
