Koalicioni VLEN përmes një komunikate për media thekson se BDI në vend që të reflektojë e të rifreskojë radhët, vazhdon me retorikën e saj të nënçmimit të inteligjencës së shqiptarëve.
Në vazhdim komunikata e plotë e VLEN-it…
BDI non grata, partia e pazareve personale në vend që të reflektojë e të rifreskojë radhët, vazhdon me retorikën e saj të nënçmimit të inteligjencës së shqiptarëve. Kjo parti, që heshti për Sopotin, Monstrën, Lagjen e Trimave, rastin “Alfa”, vrasjen e Harun Aliut, enciklopedinë ofenduese, projektin korruptiv Shkupi 2014 dhe dhjetëra raste të tjera që do mbushnin një libër të tërë, sot guxon të akuzojë të tjerët për “mospërfaqësim”?!
Populli e di të vërtetën!
BDI ka firmë të pashlyeshme në paktin e errët me Nikolla Gruevskin dhe Sasho Mijallkovin!
BDI ndryshoi Kodin Penal vetëm që të shpëtonte Sasho Mijallkovin, i cili sot shëtitet me Ferrari në Monte Karlo!
BDI, me hijen e Ali Ahmetit, Artan Grubin non grata dhe Bujar Osmanin, deshën të kthenin Gruevskin me qilim të kuq në Shkup!
BDI hapi dyert për oligarkun prorus Daka Davidoviç, që donte të krijonte “pashallëk” në Tetovë!
I gjithë opinion e di se Vuçiqi u shqetësua për rënien e BDI-së, sepse BDI nuk i ka shërbyer shqiptarëve, por agjendave të huaja!
I gjithë opinion e di se një grusht njerëzish të BDI-së, pas 22 vitesh pushtet, u bënë milionerë me Soravi dhe Llotari, ndërsa shqiptarët mbetën me premtime boshe!
I gjithë opinioni e di se BDI u ul në gjunjë para VMRO-DPMNE-s në dhomën 161 të Kuvendit, duke ofruar madje edhe Strugën dhe Kërcovën vetëm që të mbetej në pushtet!
BDI nuk është në opozitë se nuk i duan shqiptarët, por se shqiptarët i dënuan për korrupsionin e shfrenuar! Tani ata jetojnë me ankthin e ditës se kur do ta gjejnë veten në listat e zeza! Pushteti i tyre u rrëzua sepse shqiptarët u zgjuan! Sepse shqiptarët nuk mund të durojnë më hajdutërinë, korrupsionin dhe varfërimin që BDI u bëri për 22 vite pushtet!
VLEN është shpresa e shqiptarëve!
