Kryetari i Aleancës për Shqiptarët njëherit edhe kandidat për president në Maqedoninë e Veriut, Arben Taravari bashkërisht me partnerët e koalicionit VLEN sot ishte për vizitë në Republikën e Kosovës me rastin e Epopesë së Ushtrisë Çlirimtare të Kosovës.
Pas vizitës në Prekaz te familja Jashari, kryetari i Aleancës për Shqiptarët, Arben Taravari bashkë me liderët e opozitës shqiptare, kryeministrin Albin Kurti, kryeparlamentarin Glauk Konjufca dhe figura të tjera eminente ishin të pranishëm në Akademinë përkujtimore për Epopenë e UÇK-së.
Postimi në “Facebook” i kryetarit Arben Taravari:
“Sot patëm një ditë mbresëlënëse në Kosovë.
Pas shumë emocioneve, gjithçka u përmbyll më së miri me një Akademi përkujtimore për epopenë e UÇK-së!
Lavdi dëshmorëve!
Kosova është tokë trimash”.
