Në vitin 2024, titullin “Doktor Shkence” e kanë fituar 215 individë, duke shënuar një rritje prej 23,6% krahasuar me vitin 2023, sipas të dhënave të publikuara nga Enti Shtetëror i Statistikave.
Sipas këtyre të dhënave, 22,4% e doktoraturave janë realizuar në fushën e shëndetësisë dhe mbrojtjes sociale. Pas kësaj, 16,7% kanë përfshirë fushën e arteve dhe shkencave humane, ndërsa 14,4% janë në biznes, administratë dhe drejtësi. 11,6% e doktoraturave janë në shkencat sociale, gazetari dhe informacion, ndërsa pjesa tjetër e fushave ka përqindje më të ulët të përfaqësimit.
Nga numri i përgjithshëm i individëve që kanë marrë titullin e doktoratës gjatë vitit 2024, 106 prej tyre, ose 49,3%, janë gra.
