Sektori për Punë të Brendshme në Tetovë sot informoi se dje është raportuar se është lënduar një foshnje 15 muajshe, pasi një automjet ka goditur karrocën me të cilën po e bartnin prindërit foshnjën. Shoferi nuk është ndalur dhe është larguar nga vendi i ngjarjes.
“Me datë 06.03.2025 në ora 15:30 në SPB Tetovë është raportuar se në rrugën “JNA” është raportuar një aksident trafiku, në të cilin automjeti “Pasat” me targa të Tetovës ka goditur një karrocë në të cilën ka qenë i ulur një fëmijë pesëmbëdhjetë muajsh, i cili me prindërit E.H dhe F.H nga Tetova ka qenë duke kaluar vendkalimin për këmbësorë, dhe pas aksidentit është larguar nga vendi i ngjarjes. Menjëherë janë ndërmarrë veprimet dhe pas kontrollit të raportuar në orën 16:30 është gjetur dhe siguruar për procedurë të mëtutjeshme automjeti i drejtuar nga A.M (67). Fëmija i mitur në aksident ka pësuar lëndime trupore dhe është pranuar në Spitalin klinik të Tetovës”, informoi SPB Tetovë.
