Prezantuesi i degës skoceze të BBC, Nick Sheridan u nda nga jeta pa pritur në moshën 32 vjeçare.
Lajmi i shokoi të gjithë, ndërsa kryeministri Humza Yousaf i bëri homazh Sheridan sot në parlament duke e quajtur “gazetar e autor shumë i talentuar”.
Edhe ish-kryeministrja Nicola Sturgeon shprehu keqardhjen për fytyrën e njohur televizive që të gjithë e kujtonin si një “djalë i dashur”.
Gazetari i njohur dhe autor me origjinë nga Irlanda kishte humbur ndjenjat teksa vraponte thanë miqtë e tij.
Kjo raportohet se i kishte ndodhur dhe një herë tjetër para dy javëve teksa kishte kaluar një aneurizëm në tru (bllokim venash), shkruan rrjeti Daily Mail.
BBC Scotland njoftoi vdekjen e tij duke thënë se Sheridan kishte vdekur nga një ‘sëmundje e shkurtër’, pa dhënë detaje të tjera.
