Ministri i Mjedisit Jetësor dhe Planifikimit Hapësinor, Muhamed Hoxha, njofton se pas përmbytjeve nga reshjet, po zbatohet projekti për rregullimin e Lumit të Thatë në gjatësi 13 km, përcjell TV21. Projekti përfshin pastrimin dhe thellimin e shtratit të lumit, ndërtimin e muri mbrojtës prej guri dhe rregullimin me pllaka, duke synuar uljen e rrezikut nga përmbytjet dhe mbrojtjen e tokave bujqësore dhe shtëpive në Saraj.
“Ministria e Mjedisit Jetësor dhe Planifikimit Hapësinor do të zbatojë projektin e përgatitur për rregullimin e Lumit të Thatë, në një gjatësi prej 13 kilometrash. Ky projekt përfshin pastrimin dhe thellimin e shtratit të lumit, rregullimin e tij me pllaka dhe ndërtimin e një muri mbrojtës prej guri. Zbatusi i projektit tashmë është përzgjedhur dhe, menjëherë pas emërimit të mbikëqyrjes, do të nisë realizimi. Ky është një hap drejt një zgjidhjeje afatgjatë dhe sistematike që do të ulë ndjeshëm rrezikun nga përmbytjet dhe do të mbrojë tokat bujqësore si dhe shtëpitë e banorëve të Sarajit”, ka shkruar ministri i Mjedisit Jetësor dhe Planifikimit Hapësinor, Muhamed Hoxha.
