Zëdhënësja e qeverisë Venera Azizi, përmes një postimi në rrjetet sociale komentoi mbrëmjen e djeshme të organizuar nga forumi i gruas nga koalicioni VLEN.
Postimi i plotë:
Mbrëmë në Çair foli fuqia e grave!
Foli guximi, vendosmëria dhe dinjiteti i grave që janë forca më e pathyeshme e shoqërisë.
Kur gratë bashkohen, nuk ka forcë që mund t’i ndalë. Ato e lëvizin shoqërinë përpara, sjellin frymë të re, dhe e kthejnë politikën në një platformë shprese e barazie.
Faleminderit bija, nëna e motra të Çairit që mbrëmë treguat se forca e vërtetë është në duart e grave. Ju jeni zemra e ndryshimit, zëri që askush nuk mund ta heshtë.
E për ata që guxojnë t’i fyejnë gratë, mbrëmë morën përgjigjen. Gratë nuk poshtërohen: ato ngrihen, bashkohen dhe fitojnë.
Dhe Çairi, me gratë në ballë, tashmë e ka nisur marshin e fitores. Sepse Çairi VLEN!
