Ashtu siç paralajmëroi Arbër Ademi nga Fronti Evropian, mbrëmjes e sotme para Gjykatës Kushtetuese u vendosën tenda, karrige e kaloriferë, dhe nisi e ashtuquajtura iniciativa “Roja e gjuhës”.
Fillimisht, policia tentoi ndërrimin e lokacionit për vendosjes së tendave, por që pas sqarimit nga ana e Arbër Ademit dhe deputetit Blerim Bexheti, tendat sërish u vendosën para godinës së Kushtetueses.
Në një deklaratë paraprake për media, Arbër Ademi nga BDI tha se qytetarët do të qëndrojnë ditë e natë në tenda, deri më 11 dhjetor, kur pritet që Kushtetuesja të vendosë mbi nismën për kontestimin e Ligjit për Gjuhët. Ndërkohë, Ademi ftoi qytetarët nga etni dhe fe të ndryshme, t’i bashkëngjiten nismës.
