Ministria e Transformimit Digjital njofton se kanë mbetur edhe 10 ditë për aplikimin për vauçerët studentorë në vlerë të 15,300 denarëve, për blerje të pajisjeve teknologjike, përcjell TV21. Deri tani janë ndarë gjithsej 42.606 vauçerë, nga të cilët 27.426 janë përdorur.
“Sipas projektit aktual të Qeverisë, i cili realizohet në bashkëpunim mes Ministrisë së Transformimit Digjital, Sekretariatit të Përgjithshëm të Qeverisë dhe Ministrisë së Arsimit dhe Shkencës, janë paraparë gjithsej 55.000 vauçerë për pajisje elektronike për studentët e studimeve deridiplomike, të regjistruar në vitin akademik 2025/26,” thuhet në njoftimin e Ministrisë.
Nga atje rikujtojnë se afati për aplikim nga studentët është deri më 20.12.2025, ndërsa përdorimi i vauçerëve do të mund të bëhet deri më 31.12.2025.
