Ushtria ukrainase rrëzoi një avion luftarak të fuqishëm të Rusisë Su-30SM gjatë një operacioni në Detin e Zi, njoftoi sot agjencia e inteligjencës ushtarake ukrainase HUR.
Është një nga avionët luftarakë më modernë rusë, çmimi i të cilit është rreth 50 milionë dollarë amerikanë. Avioni që u rrëzua në det i përkiste regjimentit të 43-të të veçantë të aviacionit detar të Forcave të Armatosura Ruse, i cili ndodhet në aeroportin e qytetit Saka në Krimenë e pushtuar.
Rusët humbën kontaktin me avionin rreth orës 5 të mëngjesit të djeshëm. Rreth tre orë më vonë, ata filluan një operacion kërkim-shpëtimi duke përfshirë avionin An-26, si dhe helikopterët Mi-8 dhe Ka-27, thanë burimet ukrainase.
Rreth shtatë orë më vonë, ata informuan komandën për njollën karakteristike të karburantit të aviacionit të zbuluar në det, 70 kilometra në veriperëndim të Kepit Tarkankut dhe së shpejti panë edhe rrënojat e Su-30SM të shkatërruar, sipas ukrainasve.
Është publikuar edhe video e rrëzimit të avionit. Sipas informacioneve ende të pakonfirmuara, ai është kryer me një raketë raketore kundërajrore manuale.
