Udhërrëfyesi për Funksionimin e Institucioneve Demokratike, miratuar nga qeveria shqiptare, kaluar për diskutime në parlament, bazohet në nëntë shtylla kryesore për tu përmbushur në kuadër të Integrimit Europian.
Rreziqet e dezinformimit thuhet në këtë udhërrëfyes, zbuten gjithnjë e më shumë përmes masave të synuara nga KQZ-ja dhe AMA brenda vitit 2030 duke kryer monitorimin në mënyrën e duhur, duke filluar nga zgjedhjet e vitit 2025, nëpërmjet zbatimit të “Modernizimit të studios së monitorimit” nga AMA. Po ashtu përmes angazhimit institucional në shënjestrimin e dezinformimit, gjatë proceseve zgjedhore në çdo cikël zgjedhor, duke filluar nga zgjedhjet e vitit 2025.
Në shërbim të transparencës dhe llogaridhënies të parlamentit parashikohen ndryshime në kodin e sjelljes së deputetëve. Rregullorja e Kuvendit ndryshohet dhe kontrolli post ligjor zbatohet jo vetëm për ligjet e përafruara me ato të BE-së por edhe për aktet normative që kanë fuqinë e ligjit deri në vitin 2027. Kjo do të thotë se kuvendi krahas miratimit të ligjeve do të ndjekë edhe zbatueshmërinë ne tyre.
TABELË GRAFIKE
Udhërrëfyesi për Funksionimin e Institucioneve Demokratike
- Zgjedhjet e lira dhe të ndershme.
- Media në fushatën zgjedhore.
- Financimi i partive politike dhe fushatave zgjedhore.
- Transparenca dhe llogaridhënia.
- Integriteti.
- Efektiviteti.
- Kuadri ligjor rreth shoqërisë civile.
- Kornizat kombëtare ligjore, rregullatore dhe politike për organizatat e shoqërisë civile.
- Konteksti më i gjerë për një mjedis mundësues
