Ministrja e Arsimit dhe Shkencës, Vesna Janevska, përshëndeti gjeneratën e re të të
diplomuarve dhe pasdiplomuarve të Fakultetit të Shkencave Informatike dhe Inxhinierisë
Kompjuterike në përbërje të Universitetit “Shën Kirili dhe Metodi” në Shkup (FSHIIK), me
mesazh që të vazhdojnë të fitojnë njohuri dhe shkathtësi, si mënyrë më e mirë për realizimin e qëllimeve të tyre jetësore. Ministrja falënderoi kuadrin mësimor, familjet dhe të afërmit të cilët kanë kontribuar në suksesin e studentëve.
‘Mirëjohjen më të madhe sot e marrin këta të rinj, për të cilët diploma është fundi i një
kapitulli dhe fillimi i një kapitulli tjetër – akademik, profesional, jetësor. Si ministre, ju uroj
që të vazhdoni të jetoni dhe të punoni këtu, në vendin tuaj dhe të ndihmoni në zhvillimin e tij. Këtu jeni më të nevojshëm", tha ministrja Janevska.
Duke theksuar se Qeveria është maksimalisht e përkushtuar ndaj të rinjve, Janevska theksoi se në fushën e arsimit të lartë do të pasojnë ndryshime të mëdha të orientuara drejt përmirsimit të cilësisë së tij. Në kuadër të reformave po shqyrtohen zgjidhje të ndryshme, dhe në mes tyre edhe sigurimi i punësimit të studentëve më të mirë të një gjenerate, në universitetet publike dhe institucionet shkencore.
Ministrja e Arsimit dhe Shkencës theksoi se FSHIIK më në fund do të bëhet me objekt të ri
gjatë mandatit të kësaj Qeverie dhe se të gjithë së bashku duhet të punojmë për realizimin e angazhimeve për arsim cilësor dhe punë të mira në Maqedoni.
Janevska e përfundoi fjalimin duke shprehur ngushëllime familjes së studentiti të FSHIIK-ut i cili humbi jetën në aksidentin në Koçan. Tre studentëve të lënduar iu uroi shërim të shpejtë dhe vazhdim të rrugës drejt realizimit të synimeve të vendosura jetësore dhe profesionale.
U promovua gjenerata e re e të diplomuarve dhe të magjistruarve të FSHIIK-ut, Janevska me mesazh për të vazhduar jetën dhe punën në Maqedoni.
