Me syzet joadekuate dhe pozimin e tij të papërshtatshëm, qitësi olimpik turk dhe fituesi i medaljes së argjendtë në Paris 2024, Yusuf Dikeç, është bërë një njeri viral.
Mediat sociale kanë shpërthyer pas një fotografie të një qitësi olimpik turk, i cili u fut në garë në Paris 2024 në dukje indiferent, por mori medaljen e argjendtë. https://rumble.com/v59bm96-currently-the-most-famous-man-in-the-world.html Me dorën në xhep dhe pa ndonjë pajisje optike që mbanin rivalët e tij, stili i rastësishëm i Yusuf Dikeçit e veçoi atë nga konkurrentët e tij në garën e skuadrës së përzier me pistoletë ajrore 10 metra.
Currently the most famous man in the world
Suksesi i Dikeçit për të siguruar vendin e dytë së bashku me partneren e tij Şevval İlayda Tarhan, së bashku me mospërfilljen e tij të dukshme, e kanë bërë atë një sensacion në internet brenda natës.
“Turqia dërgoi një njeri 51-vjeçar pa lente të specializuara, mbulesë sysh apo mbrojtje veshi dhe mori medaljen e argjendtë”, thuhet në një postim viral në X, i cili kishte pothuajse 90 milionë shikime në kohën e shkrimit.
Shumica e gjuajtësve olimpikë përdorin mbrojtje të specializuar të veshit dhe lente për të bllokuar shikimin në njërin sy dhe për të reduktuar shkëlqimin, por Dikeç me sa duket nuk kishte nevojë për asgjë nga kjo.
Dikeç nuk është i panjohur për gjuajtjen: Paris 2024 është Olimpiada e tij e pestë, pasi ka përfaqësuar më parë Turqinë në 2008, 2012, 2016 dhe 2020. Ai mban edhe disa tituj nga kampionati botëror dhe evropian për evente të ndryshme me pistoletë.
Ai është gjithashtu një nënoficer në pension i Xhandarmërisë Turke, ndaj ka edhe aq saktësi.
“Nuk kam pasur nevojë për pajisje speciale”, thuhet se ka thënë Dikeç për mediat vendase turke. “Unë jam një gjuajtës natyral, i natyrshëm”.
“Suksesi nuk vjen me duar në xhepa” është një tjetër deklaratë që ai bëri për shtypin vendas.
Edhe llogaritë zyrtare të mediave sociale olimpike janë bashkuar në festimin e stilit jashtëzakonisht të relaksuar të Dikeçit. /Telegrafi/
