Presidenti i SHBA-së, Donald J. Trump, ka dërguar një mesazh urimi me rastin e 18-vjetorit të shpalljes së Pavarësisë së Kosova, duke rikonfirmuar mbështetjen e palëkundur të Shtetet e Bashkuara të Amerikës për sovranitetin dhe integritetin territorial të vendit.
Në mesazhin e tij, të publikuar nga presidentja Vjosa Osmani, Trump ka uruar qytetarët për përvjetorin e shpalljes së pavarësisë, duke theksuar se SHBA-ja mbetet e përkushtuar për zgjerimin e partneritetit me Kosovën, veçanërisht përmes rritjes së tregtisë dhe investimeve, me synim avancimin e prosperitetit të përbashkët.
Ai ka nënvizuar gjithashtu gatishmërinë e Uashingtonit për të punuar krah Kosovës në forcimin e paqes dhe stabilitetit, si dhe ka falënderuar vendin për mbështetjen ndaj përpjekjeve amerikane për paqe.
Në mesazh është përmendur edhe mirëpritja e Kosovës si anëtare themeluese e Bordit të Paqes.
