Çmimet e naftës u rritën sërish me fillimin e luftës mes SHBA-së dhe Izraelit me Iranin.
Duke folur dje para mbështetësve të tij në Kentucky, presidenti i SHBA-së, Donald Trump tha se vendimi nga 32 vende për të liruar rezerva të naftës do të “ulë ndjeshëm çmimet e naftës”.
Të mërkurën, derisa po vizitonte një biznes në Cincinnati, Trump i quajti luhatjet e çmimeve të naftës një “çështje lufte”.
“Çmimet po bien shumë ndjeshëm,” tha ai.
“Nafta do të ulet. Kjo është thjesht diçka që ndodh në kohë lufte. Mund ta parashikosh pothuajse. Do të thoja se u rrit pak më pak nga sa mendonim. Do të bjerë edhe më shumë nga sa e kupton kushdo.”
Më vonë ai tha se SHBA-ja do ta “shikojë me shumë seriozitet” Ngushticën e Hormuzit, duke shtuar:
“Ngushtica është në gjendje shumë të mirë. Ne ua kemi shkatërruar të gjitha varkat. Ata kanë disa raketa, por jo shumë.”/BBC
