“Ka pasur një dilemë që opozita përpiqej ta shfrytëzonte për pikë politike. Besoj se, në mungesë ideve, pa kreativitet dhe pa propozime konkrete, ata përpiqen me shpejtësi të fitojnë pikë politike. Shpërndanë informacion se janë zvogëluar 40 milion euro nga Programi për subvencione, gjë që e hedh poshtë, kjo nuk është e vërtetë,” theksoi ministri i Bujqësisë, Pylltarisë dhe Ekonomisë së Ujërave, Cvetan Tripunovski.
“Gjatë vitit, me ribalanc ose me riorganizim të fondeve, nëse ka nevojë, sigurohen fonde shtesë për Programin. Për rikujtim, në vitin 2024 e trashëguam Programin me rreth 100 milion euro. Me ribalancin që bëri Qeveria aktuale, u siguruan fonde shtesë dhe ai arriti rreth 117 milion euro, ndërsa deri në fund të vitit Programi u rrit edhe më tej me riorganizimin e fondeve dhe arriti 137 milion euro,” rikujtoi ministri Tripunovski.
Ai theksoi se mjetet janë riorientuar për pagesën e detyrimeve të mbetura nga vitet e mëparshme, të trashëguara nga qeveria e kaluar.
“Programi i miratuar për vitin aktual, nëse ka nevojë për fonde shtesë, sigurisht do të plotësohet. Projekcioni prej 100 milion eurosh është pothuajse i njëjtë si në 10 vitet e fundit dhe përfaqëson një kornizë standarde,” shtoi ministri.
Ministri Tripunovski theksoi se po shpërndahen dezinformata dhe se nuk ka shkurtim ose ulje të fondeve për subvencione.
