Ministri i Bujqësisë, Pylltarisë dhe Ekonomisë së Ujërave, Cvetan Tripunovski, në një intervistë për emisionin “Agrar”, theksoi se përmes fushatës “Më e mira e Maqedonisë” vihet në pah rëndësia e prodhuesve vendorë të ushqimit dhe kontribuohet në rritjen e prodhimit të produkteve bujqësore cilësore. Me këtë fushatë do të mbështetet ekonomia vendore, do të ruhen vendet e punës, ndërsa njëkohësisht do të forcohet edhe identiteti.
“Çelësin e shoh në rritjen e sasisë së prodhimit bujqësor. Bujqit do të jenë të kënaqur sepse me një sasi më të madhe të shitur për njësi çmimi realizohet të ardhurë më e lartë. Kjo nuk ka të bëjë vetëm me tregun vendor, por edhe me eksportin e produkteve bujqësore”, sqaroi Tripunovski.
Ai theksoi se, sipas të dhënave të Entit Shtetëror të Statistikës, në periudhën janar–tetor 2025, krahasuar me të njëjtën periudhë të vitit 2024, eksporti i produkteve bujqësore është rritur për 5,5 për qind, gjë që tregon për rritje të prodhimit bujqësor në vend.
“Në tremujorin e dytë dhe të tretë kemi rritje serioze të grumbullimit dhe shitjes së produkteve bujqësore”, shtoi ai.
Ministri Tripunovski paralajmëroi se në periudhën e ardhshme do të punohet në masa dhe politika me qëllim që viti 2026 të jetë edhe më i suksesshëm se viti 2025, duke theksuar se produkti bujqësor maqedonas është cilësor dhe meriton vendin e tij në raftet evropiane dhe botërore.
“Të dhënat për eksportin janë inkurajuese dhe paraqesin një motiv shtesë për të vazhduar me përkushtim edhe më të madh”, përfundoi ministri.
