Marrëveshja e Paqes së Dejtonit, me të cilën përfundoi lufta në Bosnje dhe Hercegovinë nga viti 1992 deri në vitin 1995, u nënshkrua më 14 dhjetor 1995.
Tridhjetë vjet më vonë, Bosnje dhe Hercegovina vazhdon të përballet me ndarje të thella etnike. Deutsche Welle rikujton rrugën drejt kësaj marrëveshjeje historike.
Marrëveshja e Dejtonit i dha fund luftës në Bosnje dhe Hercegovinë, duke vendosur një kornizë të re politike dhe kushtetuese për shtetin. Rruga drejt Dejtonit u shënua nga shpërbërja e ish-Jugosllavisë, gjenocidi në Srebrenicë dhe negociata të vështira paqësore të zhvilluara në shtetin amerikan të Ohajos.
Edhe tri dekada pas nënshkrimit të marrëveshjes, Bosnje dhe Hercegovina vazhdon të përballet me trashëgiminë e konfliktit. Ndarjet etnike, vështirësitë ekonomike dhe bllokadat politike vazhdojnë të ndikojnë ndjeshëm në jetën e përditshme dhe zhvillimin e vendit.
