Majën e arriti sezonin e kaluar. Rej Manaj fitoi Këpucën e Bronzit në Superligën e Turqisë dhe pas 18 golave të shënuar nisi të kërkohej nga klube të rëndësishëm në Turqi, por edhe jashtë saj.
Sivaspori nuk deshi ta humbiste lirë sulmuesin shqiptar, ndaj edhe refuzoi ndonëse mund të arrihej në shifra deri në 10 milionë euro.
Fati në futboll nuk buzëqesh gjithmonë, dhe Manaj këtë edicion nuk ka shënuar më shumë se 4 gola, ndërsa ka vuajtur nga dëmtimet dhe problemet e tjera në fushë.
Tashmë, Sivaspor nuk do të fitojë një shifër të lartë për transferimin e yllit kuqezi, ndërsa mediat turke flasin për 1.3 milionë euro si shumë financiare direkte të ofruar nga Trabzonspori, si dhe për mundësinë për të marrë me parametra të arsyeshëm tre futbollistë të tjerë.
E sigurt është që Manaj do të largohet, pasi kontrata i mbaron në mbyllje të këtij sezoni, dhe klubi turk nuk dëshiron ta humbasë me parametër zero.
Sulmuesi 27-vjeçar pati bisedime me Sivasporin për rinovim kontratë dhe rritje rroge, por nuk pati marrëveshje, ndërsa gazetat turke shkruajnë se trajneri I Trabzonit, i shquarit Shenol Gynesh, e ka Manajn si njërin nga emrat më të kërkuar në listën e tij.
Shqiptari pritet të zerë vendin e sulmuesit Banza, të huazuar nga Braga e Portugalisë, dhe për të cilin kërkohen nga 15 deri në 20 milionë euro.
Manaj është variant shumë më I përshtatshëm financiar.
