Pakënaqësitë në BDI-në e Dibrës sa vijnë e shtohen, ashtu që çdo mbledhje e degës së kësaj partie është shndërruar në tension, madje deri në përleshje fizike?!
Përplasjet siç thuhet, kanë vazhduar edhe në kafiteritë e Dibrës pas mbledhjeve të fundit në hapësirë të mbyllur.
Jozyrtarisht mësohet që ato janë në vazhdimësi edhe atë mes kryetarit aktual të degës së BDI-së Artin Spahiu me anëtarë të kryesisë së degës!
Çështja është se a vjen kjo si pasojë që Dibra nuk ka arritur të ketë kandidatin nga radhët e partisë së Ahmetit, apo fshihet diçka tjetër.
Kandidat nga koalicioni AKI, apo Fronti i dikurshëm siç edhe njihet, është Ilirijan Fetau nga partia e Selës dhe kjo ndërlikon gjërat brenda këtij bashkëpunimi politik.
Ndryshe, nga kulaçi për komunat, madje Sela ka dalë më i dëmtuar me 3 komuna kundrejt krahut të Taravarit i cili në zgjedhjet e 19 tetorit do të ketë 4 komuna, ndërsa BDI 10.
