Një tërmet me magnitudë 4.8 të shkallës Rihter është regjistruar në orët e para të mëngjesit të kësaj të diele në Greqi.
Lëkundjet e shkaktuar që janë ndjerë edhe në disa qytete të Shqipërisë, përfshirë Tiranë.
Sipas të dhënave sizmologjike, tërmeti është regjistruar në orën 03:32 UTC, 04:32 me orën lokale. Epiqendra është lokalizuar rreth 16 kilometra në perëndim të Eleousa dhe rreth 155 kilometra në perëndim të Larissa, në një zonë pranë kufirit me Shqipërinë.
Tërmeti ka ndodhur në një thellësi prej rreth 5 kilometrash, çka e bën atë relativisht të cekët dhe për këtë arsye më të ndjeshëm në zonat përreth. Deri më tani nuk raportohen dëme apo persona të lënduar, ndërsa autoritetet po monitorojnë situatën.
