Këngëtari i njohur, 2Ton, dhe Nora Istrefi, sapo kanë sjellë bashkëpunimin e tyre të parë dhe shumë të pritur, këngën me titull “Teka”.
Ky duet shënon herën e parë që dy artistët bashkojnë forcat në një projekt muzikor, duke i dhënë publikut një këngë që pritet të jetë një hit i menjëhershëm.
Teksti i këngës është shkruar nga vetë 2Ton, në bashkëpunim me Muma dhe Ghulo. Për melodinë, kanë bashkëpunuar Sardi Mneri dhe 2Ton.
Projekti vjen i shoqëruar edhe me një videoklip të realizuar nga Valon Aziri.
Publiku tashmë mund ta shijojë këtë bashkëpunim të ri që sjell një freski në skenën muzikore shqiptare.
