Fluturimet e para me emigrantë që kanë hyrë ilegalisht në territorin amerikan dhe tani po deportohen nga administrata Trump kanë filluar, tha zëdhënësja e Shtëpisë së Bardhë.
Carolyn Leavitt publikoi në llogarinë e saj X imazhe të emigrantëve që hipnin në një avion ushtarak.
Ata kanë një zinxhir rreth belit dhe duart e tyre janë gjithashtu të lidhura, siç ndodh zakonisht në këto fluturime.
Ata shoqërohen nga personeli ushtarak për t’u ngjitur në avion.
“Fluturimet e dëbimit kanë filluar ”, shkroi ajo në një postim në X, duke shtuar: “ Presidenti Trump po i dërgon një mesazh të fortë dhe të qartë botës: Nëse hyni ilegalisht në SHBA , do të përballeni me pasoja të rënda”.
https://x.com/PressSec/status/1882759560613527770?ref_src=twsrc%5Etfw%7Ctwcamp%5Etweetembed%7Ctwterm%5E1882759560613527770%7Ctwgr%5Ecd66b3e2b84fc5e641daf73d7c6c9fe5e6af64a8%7Ctwcon%5Es1_&ref_url=https%3A%2F%2Fwww.vizionplus.tv%2Fte-lidhur-me-zinxhire-shba-nis-debimet-e-emigranteve-ilegale%2F
Përdorimi i avionëve ushtarakë është një “risi” e administratës Trump.
Nuk dihet se nga ishin këta emigrantë, por besohet se janë persona që kanë hyrë së fundmi në SHBA dhe janë kapur nga Patrulla e Kufirit.
Fluturimet e para u zhvilluan të enjten pasdite, tha një zyrtar i Sigurisë Kombëtare për CNN. Nga Guatemala u dëbuan 75-80 persona.
