Nënkryetari i BDI-së, Bujar Osmani ka komentuar vendimin e administratës së presidentit Donald Trump për vendosjen e tarifave për mallrat e vendeve të huaja që hyjnë në ShBA. Sipas këtij vendimi, tarifat për Shqipërinë, Kosovën, Malin e Zi janë 10%, për Maqedoninë 33% dhe për Serbinë 37%.
Ja reagimi i Osmanit përmes një porosie në rrjetet sociale:
Rendi i ri tregtar:
Administrata e Donald Trump sapo shpalli tarifat e reja doganore për importet në SHBA – dhe këtu zbulohet qartë pozicioni i vërtetë i Maqedonisë së Veriut në ekonominë botërore.
➡ Shqipëria dhe Kosova do të përballen me vetëm 10% tarifë
➡ Kroacia (dhe e gjithë BE-ja) me 20%
➡ Maqedonia, Serbia, Kina me tarifa drastike 33%-37%
Çfarë do të thotë kjo?
Maqedonia është futur në të njëjtën kategori me Serbinë dhe Kinën – vende që tradicionalisht përballen me barriera të larta tregtare”, shkruan Osmani.
