Kandidati për president, Arben Taravari ka reaguar ndaj Artan Grubit të BDI-së, i cili gjatë mbrëmjes së djeshme u pa se si mbante ilaçe në duar, si porosi për koalicionin opozitar VLEN.
Taravari thotë se ai është mjek, di dhe ka të drejtë të japë ilaçe. Ndërkaq shton se vota e qytetarëve, ia kanë shtuar vlerësimin dhe paraqet mision për të në Qeverinë e re.
“Mbrëmë kam marrë një provë të mrekullueshme besimi dhe vlerësimi nga të gjithë ju që më votuat.
Falenderoj koalicionin VLEN ku krenarisht përkas, që më pa mua si një figurë të denjë për president!
Secilit njeri që dje rrethoi numrin 6, i shtrëngoj dorën dhe zotohem se Vota Juaj është Mision për mua në Qeverinë e Re!
Këto kohë do të jenë kohë ofertash, propozimesh dhe marrëveshjes, por unë ju premtoj se Asgjë dhe Asnjë nuk më ndan nga ju!
Do jem gjithnjë ana juaj dhe ju krahu im!
Në Zgjedhjet Parlamentare ne do të vulosim edhe më fort Identitetin tonë si Fitues Absolut!
Edhe një gjë: një farë funksionari i BDI-së, mbrëmë ndante ilaçe pa recetën e mjekut…
8 maji është afër…shumë shumë Afër dhe së shpejti dikush mund të ketë vërtetë nevojë për tableta…
Dhe unë jam Mjek, unë di dhe kam të drejtë të jap ilaçe!”, shkroi Taravari, tansmeton TV21.
