Rayan është padyshim një nga zbulimet më të mëdha në futbollin brazilian në vitin 2025.
Sulmuesi nëntëmbëdhjetëvjeçar i Vasco da Gama shkëlqeu veçanërisht në pjesën e fundit të sezonit, ku pothuajse i vetëm i solli klubit titullin e Kupës kundër Corinthians, raporton KosovaPress.
Performancat e tij të jashtëzakonshme kanë tërhequr vëmendjen e gjigantit gjerman Bayern.
Menaxhmenti i klubit të Rio de Janeiro është i vendosur të mos e lëshojë yllin e tij të ri për asnjë shumë. Për t’u siguruar kundër një largimi të parakohshëm, vetëm pak ditë më parë ata ia zgjatën kontratën Rayan deri në vitin 2028 dhe e rritën klauzolën e tij të lirimit në një shumë marramendëse prej 80 milionë eurosh.
Vasco shpreson për një shitje rekord që do të siguronte stabilitet financiar dhe do të rriste ambiciet e klubit në vitin 2026.
Deri më tani, transferimi më i shtrenjtë i klubit ishte ai i Paulinhos te Bayer Leverkusen për 18.5 milionë euro, ndërsa Andrey Santos u shit te Chelsea për 12.5 milionë.
Rayan ishte golashënuesi më i mirë në Kupën e Brazilit me 5 gola, dhe në kampionat me 14 gola. Përpara tij në listën e golashënuesve ishin vetëm lojtarë të spikatur si Vitor Roque, De Arrascaeta dhe Kai Jorge, gjë që flet shumë për performancën e tij.
