Në prag të një prej sfidave më të rëndësishme për Kombëtaren shqiptare, trajneri Sylvinho ka vendosur të rikthejë në skuadër dy emra të njohur: Ernest Muçin dhe Anis Mehmetin.
Burime pranë stafit teknik bëjnë me dije se vendimi tashmë është marrë dhe konsiderohet i konfirmuar, edhe pse lista zyrtare do të publikohet vetëm nesër në mëngjes.
Ky rikthim vjen në një moment delikat, teksa Shqipëria përgatitet për përballjen e “Play Off”-it ndaj Polonisë, një ndeshje historike për kualifikimin në Kupën e Botës 2026.
Sylvinho duket se ka zgjedhur të mbështetet tek forma dhe potenciali ofensiv i Muçit dhe Mehmeti, dy lojtarë që kanë treguar cilësi të rëndësishme në klubet e tyre.
Ernest Muçi, i njohur për teknikën dhe aftësinë për të krijuar raste, pritet të sjellë më shumë fantazi në repartin sulmues.
Nga ana tjetër, Anis Mehmeti ofron shpejtësi dhe depërtim në krahë, elementë që mund të rezultojnë kyç ndaj një kundërshtari fizik si Polonia.
Mes mungesave të shumta, Muci dhe Mehmeti, janë dy zgjedhje të zgjuara edhe për formën fantastike që po kalojnë.
