Një surprizë u pa në stërvitjen e Barcelonën përpara ndeshjes gjysmëfinale të Superkupës së Spanjës ndaj Athletic Bilbao. Lamine Yamal nuk ishte me pjesën tjetër rë skuadrës në seancën e fundit përpara kësaj sfide. Burime nga klubi katalanas thanë se Yamal ishte në ambientet e brendshme të kompleksit sportiv në Jeddah duke kryer një stërvitje fizike specifike për të.
Nuk u dhanë detaje të tjera, por u la të kuptohet se 18 vjeçari nuk kishte asgjë serioze dhe se pritet të jetë i grumbulluar nga Hansi Flick për ndeshjen e së mërkurës. E përditshmja spanjolle ‘Mundo Deportivo’ arriti të mësojë se Yamal ishte prekur nga një virus në stomak prej ditësh që e dobësoi sadopak dhe kështu ai u rezervua për stërvitjen e kësaj të marte
Hansi Flick nuk dha detaje në konferencën e tij për shtyp sepse e mësoi për mungesën e tij vetëm pak para fillimit të stërvitjes dhe kështu që nuk iu bë asnjë pyetje në lidhje me këtë temë. Ndërsa të gjithë futbollistët e tjerë që kishin udhëtuar drejt Arabisë Saudite ishin të pranishëm në këtë seancë, duke përfshirë edhe Ronald Araujo. Trajneri gjerman deklaroi se do të bisedonte me uruguajanin përpara stërvitjes për të vendosur nëse do të ishte në listën e skuadrës për ndeshjen me Bilbaon apo jo.
